Anchelotti: "O‘ylaymanki, "Atletiko" oxirigacha kurashadi"

Madridning "Real" klubi bosh murabbiyi Karlo Anchelotti La Liga chempionlik poygasidagi vaziyat haqida berilgan savolga javob qaytardi.

"Chempionlik uchun kurashayotgan jamoalar nechta? Ikki yoki uchta. O‘ylaymanki, "Atletiko" oxirigacha kurashadi, xuddi shu narsa bizga ham tegishli," - deya Anchelottining so‘zlarini keltiradi Madrid Universal.

Hozirda "Barselona" 63 ochko bilan turnir jadvalida peshqadam, ularda yana bir zaxira o‘yini bor. "Real"da ham shuncha ochko bor. Uchinchi o‘rindagi "Atletiko" 57 ochkoga ega.