"An-Nasr" "Bavariya" yulduziga super taklif berdi

"An-Nasr" Kingsli Komanga shartnoma taklif qildi.

Avvalroq, Saudiya Arabistoni klubi "Bavariya" bilan vinger transferi bo‘yicha muzokaralarni boshlagani ma’lum bo‘lgandi.

"An-Nasr" fransiyalik futbolchiga 2028 yilgacha mo‘ljallangan shartnoma taklif qilgan va uning maoshi yiliga 20-25 million yevroni tashkil etadi.

Hozircha Kingsli Koman ushbu taklif bo‘yicha bir qarorga kelgani yo‘q. Shuningdek, saudiyaliklar ham hali myunxenliklarga rasmiy taklif bilan chiqmagan.

Koman o‘tgan mavsumda Bundesligada 28 ta o‘yinda 5 ta gol va 4 ta golli uzatmaga mualliflik qilgan.