Yaqinda G‘azo sektorida gipotermiya va unga bog‘liq asoratlar tufayli kamida 15 nafar bola hayotdan ko‘z yumdi. Bu haqda Qatarning Al Jazeera telekanali xabar berdi.
Uning qayd etishicha, vaqtinchalik boshpana va yonilg‘ining yo‘qligi va mintaqadagi keskin sovuq qish faslini “yuzlab falastinlik oilalar uchun halokatli xavfga” aylantirgan. Ota-onalar farzandlarini isitish uchun ko‘rayotgan barcha choralarga qaramay, anklavda kamida 15 nafar yangi tug‘ilgan chaqaloqlar va go‘daklar gipotermiya tufayli vafot etdi.
Telekanal ma’lumotlariga ko‘ra, G‘azoda asosiy vositalar, ko‘rpa-to‘shak va issiqlik ta’minotiga katta ehtiyoj bor, ayni paytda mintaqaga insonparvarlik yordami va yonilg‘i yetkazib berish Isroil hukumati tomonidan hamon cheklanmoqda.
Avvalroq G‘azo va Xon-Yunis shaharlaridagi shifoxonalarda olti nafar bola halok bo‘lgani haqida ma’lum qilingan edi. PFBS shifoxonasi shifokorlarining ta’kidlashicha, anklavdagi minglab qochqinlar boshpanalarini isitish imkoniyatiga ega emas, bu esa, birinchi navbatda, bolalarda ko‘plab gipotermiya holatlarini keltirib chiqarmoqda, deb xabar beradi tass.ru.
O‘zbekiston Rossiya elchisini chaqirtirdi
Hindistonlik talaba Toshkent tibbiyot akademiyasidan norozi bo‘ldi
Fransiya Rossiya G‘alaba bayramiga taklif qilinmaganidan g‘azablandi
