71 yoshli turkiyalik ayol grafik dizayn bo‘yicha diplom oldi

Turkiyalik uy bekasi Selma Shaxin grafik dizayn kurslarini ikki yil davomida o‘rganib, muvaffaqiyatli tamomladi. Uning aytishicha, ko‘pchilik unga bu yoshda uyda o‘tirishni maslahat bergan, biroq u ta’lim olishidan va faqat kompyuterni emas, balki amaliy dasturlarni ham o‘zlashtirganidan juda mamnun.

Selmaning ikki qizi va to‘rt nafar nabirasi bor. Vaqtida u oiladagi moliyaviy qiyinchiliklar tufayli maktabni tashlab ketishga majbur bo‘lgan. Uning kursdoshlari esa ulug‘ yoshdagi hamkurslarini ilhom manbai sifatida qabul qilishmoqda.