6 yoshli bolalar maktabga tayyorlov bilan to‘liq qamrab olinadi

2027 yildan boshlab O‘zbekistonda 6 yoshli bolalarning barchasi bir yillik majburiy maktabga tayyorlovdan o‘tishi rejalashtirilgan.

Buning uchun bepul tayyorlov guruhlari tashkil etilib, zarur pedagoglar va jihozlar bilan ta’minlanadi.

Shuningdek, 2026 yildan har yili kamida 100 ta bog‘cha qurish yoki rekonstruksiya qilish, beshta viloyatda esa davlat-xususiy sheriklik asosida 500 ta maktabgacha ta’lim tashkiloti ochish ko‘zda tutilgan.

Xususiy bog‘chalarni qo‘llab-quvvatlash va tarbiyachilar malakasini oshirish ham rejalashtirilgan.