Italiya Germaniyaning oltinchi avlod qiruvchi samolyotini ishlab chiqishda to‘liq ishtirok etishiga qarshi

Financial Times xabar berishicha, Italiya mudofaa vaziri Gvido Krozetto Germaniyaga GCAP dasturida faqat kuzatuvchi maqomini berishni taklif qilgan.

Mazkur loyiha Buyuk Britaniya, Italiya va Yaponiya tomonidan oltinchi avlod qiruvchi samolyotini yaratish maqsadida amalga oshirilmoqda.

Rim va Tokio Germaniya kompaniyalarining loyihaga qo‘shilishi mavjud buyurtmalar kamayishi va ishlab chiqish jarayoni kechikishiga sabab bo‘lishidan xavotirda. Berlin esa kuzatuvchi maqomini qabul qilmasligini bildirib, dasturda to‘laqonli hamkor sifatida ishtirok etishni talab qilmoqda.