Ayrim telegram kanallarda tug‘uruq stolida yotgan ayol fonida suratga tushgan tibbiyot xodimlarining fotosurati tarqatildi. Ijtimoiy tarmoqlarda ushbu surat Samarqand shahridagi 3-tug‘uruq majmuasida tushirilgani ma’lum qilindi.
Samarqand viloyat sog‘liqni saqlash boshqarmasi ishchi guruhi ushbu ma’lumotni o‘rganib, uni yolg‘on ekanligini aniqladi.
Hozirgi axborot texnologiyalari rivojlangan davrda har qanday ma’lumotning dastlabki manbasini aniqlash murakkab ish emas. Ahamiyatlisi, ushbu suratdagi shifokorlar Samarqand shahridagi 3-tug‘uruq majmuasida faoliyat olib borishmaydi.
Aniqlanishicha, dastlab ushbu surat 2020 yil 4 avgust kuni Ozarbayjon respublikasida istiqomat qiluvchi tvitter foydalanuvchisining akkauntida paydo bo‘lgan.
"Biroq ko‘proq obunachilarni kanali yoki sahifasiga jalb etish, mashhurlikka erishish ilinjida bo‘lgan ayrim «bloger» yurtdoshlarimiz afsuski buni o‘z kanallariga joylab, yolg‘on ma’lumot tarqatishdi.
Hurmatli "bloger"lar xalqimizda "yolg‘onning umri qisqa bo‘ladi" degan naql bor. Siz tarqatgan yolg‘on ma’lumotlarning ham umri qisqaligini, yolg‘on ma’lumot tarqatganlik uchun javobgarlik borligini unutmang", deb yozadi Samarqand viloyati sog‘liqni saqlash boshqarmasi o‘z bayonotida.
Qozog‘iston Rossiyadan uzoqlashmoqchi, ammo...
Eron raketalarining aksariyati Isroilning Arrow mudofaa tizimi yordamida qo‘shni davlatlar ustida urib tushirilgan
Isroildagi O‘zbekiston fuqarolari ogohlantirildi
