Amazon o‘zining atom elektr stansiyasini qurmoqchi

Jeff Bezos endi yadroviy texnologiyalarga pul tikmoqda: internet-gigant Amazon o‘zining birinchi atom elektr stansiyasi loyihasini taqdim etdi, deb xabar beradi BILD.

Kompaniya o‘z serverlari va sun’iy intellekt dasturlarini mustaqil ravishda energiya bilan ta’minlashni rejalashtirgan.

Vashington shtatida Cascade Advanced Energy Facility deb nomlangan yangi atom elektr stansiyasi paydo bo‘ladi. U avvalo Xe-100 turidagi to‘rtta kichik reaktorni o‘z ichiga oladi. Jami kompaniya o‘n ikkitagacha kichik miqyosdagi modulli reaktorlar (SMR — Small Modular Reactors) o‘rnatishni rejalashtirmoqda.

Mini-reaktorlar Amerikaning X-energy kompaniyasi tomonidan quriladi, Amazon loyihaga 2024 yil oktyabr oyida taxminan 500 million dollar sarmoya kiritgan. Shuningdek, boshqa investorlar ham sarmoya kiritgan.

Foto: t.me/BILD_Russian/

Birinchi bosqichda reaktorlar 320 megavattgacha elektr energiyasi ishlab chiqaradi va barcha bosqichlar tugallangach, quvvat 960 megavattgacha oshadi, bu taxminan 3,8 million uy xo‘jaligini quvvatlantirish uchun yetarli bo‘ladi.

Biroq, Amazon energiyani birinchi navbatda o‘z ehtiyojlari uchun - serverlar, sun’iy intellekt tizimlari va raqamli vositalar uchun ishlatishni rejalashtiryapti. Shu bilan birga, kompaniya CO₂ chiqindilarini kamaytirmoqchi.