Orban Putinga Rossiya-AQSh sammiti uchun sharoit yaratishga tayyorligini bildirdi

Rossiya prezidenti Vladimir Putin va Vengriya bosh vaziri Viktor Orban juma kuni telefon orqali muloqot qildi.

Kreml matbuot xizmati xabar berishicha, suhbat Vengriya tomonining tashabbusi bilan bo‘lib o‘tgan.

Orban "Vengriyada ehtimoliy Rossiya-Amerika sammitini tashkil etish uchun shart-sharoitlarni ta’minlashga tayyorligini" bildirdi.

Putin, o‘z navbatida, Orbanni 16 oktyabr kuni AQSh prezidenti Donald Tramp bilan telefon orqali muloqoti haqida ma’lum qildi.

Kremlga ko‘ra, AQSh vakillari bilan bo‘lajak muloqotlar Vengriya poytaxtida bo‘lajak Rossiya-Amerika sammitini o‘tkazish maqsadida Ukraina inqirozini tinch yo‘l bilan hal qilish bo‘yicha keyingi qadamlarni muhokama qilishni o‘z ichiga oladi.