Tramp Zelenskiydan Donbassni topshirishni talab qilgan — Financial Times

Oq uydagi uchrashuvda Donald Tramp Ukraina prezidenti Vladimir Zelenskiydan Putinning shartlarini qabul qilishni, ya’ni Donbassni topshirishni talab qilgan.

Aks holda Ukraina “Rossiya tomonidan yo‘q qilinishi mumkinligini” aytgan.

Financial Times ma’lumoticha, uchrashuvda bahs chiqqan — Tramp front xaritalarini stoldan uloqtirib, Putinning oldingi suhbatdagi fikrlarini takrorlagan.

Manbaga ko‘ra, Zelenskiy uchrashuvdan hafsalasi pir bo‘lgan holda chiqqan, chunki Tramp unga Tomahawk raketalarini berishdan bosh tortgan.