G‘azo sektori taqdiri uchun eng hal qiluvchi masala — u yerda kim hokimiyatni amalga oshiradi. Trampning tinchlik rejasiga ko‘ra, HAMAS hokimiyatdan voz kechishi kerak. Bu amalga oshadimi — Qatar, Turkiya va Misr qanday pozisiya egallashiga bog‘liq. Ushbu mamlakatlar HAMASga bosim o‘tkazishi, o‘z kuchlarini G‘azaga jo‘natishi va sektorni nazoratga olishi mumkin. Shunda terroristlar qurolsizlantirilib, ularning yetakchilari muhojiratga yuboriladi.
Biroq agar arab va musulmon davlatlari bu masalada yetarlicha siyosiy iroda ko‘rsatmasa, G‘aza Yaqin Sharqdagi «porox bo‘chkasi» bo‘lib qoladi. Isroil uchun HAMAS bilan yarashish juda qiyin bo‘ladi, va tinchlik kelishuvi shubha ostiga tushadi. Isroil mudofaa vaziri Israel Kas allaqachon o‘ldirilgan garovdagilar jasadlarining kech berilayotgani uchun HAMASni kelishuvni buzganlikda aybladi. Bosh vazir Binyamin Netanyaxu esa ichki bosimga duch kelishi mumkin — urush HAMAS to‘liq yo‘q qilingunigacha davom etishi talab qilinadi.
Shu bilan, BILD bosh muharriri Paul Ronsxaymer va siyosiy sharhlovchi Filipp Pyatov shunday xulosa chiqaradi: AQSh prezidenti Donald Trampning ishi hali yakunlanmagan. Agar jahon hamjamiyati HAMAS G‘azada qayta kuch to‘plashiga va yangi tonnellar qazishiga yo‘l qo‘ysa, urushning yangi bosqichi faqat vaqt masalasi bo‘ladi: Isroil terroristik tashkilotning qayta tiklanishiga yo‘l qo‘ymaydi.
Yangilangan Cobalt'ning narxi e’lon qilindi
Erdo‘g‘an turkiy xalqlar, jumladan o‘zbeklarning hayotini yengillashtirmoqchi
Qirg‘iziston ham poytaxtini ko‘chirmoqchi
