Putin agar Yevroittifoq Rossiyaning muzlatilgan aktivlarini musodara qilsa, mamlakatdagi xorijiy aktivlarini milliylashtirishga ko‘rsatma berdi — Bloomberg.
Agentlikning xabar berishicha, Rossiya prezidenti Vladimir Putin 30 sentyabr kuni aktivlarini tezlashtirilgan tartibda maxsus yo‘l bilan sotishga ruxsat beruvchi farmonni imzolagan. Hujjatda bu choralar xorijiy davlatlarning, jumladan, sanksiyalar ko‘rinishidagi harakatlariga javob bo‘lishi qayd etilgan.
"Bu farmon Rossiya va xorijiy kompaniyalarni sotish jarayonini jadallashtirishga qaratilgan. Agar Yevropa Ittifoqi Rossiya aktivlarini musodara qilishni boshlab yuborsa, Moskva ham shunga o‘xshash choralar bilan javob qaytarishi mumkin", — deya ta’kidladi Bloomberg manbasi.
2022 yilda Rossiya Ukrainaga keng ko‘lamli bosqinni boshlaganidan keyin G‘arbning ko‘pchilik kompaniyalari mamlakatni tark etdi. Biroq Uni Credit, Raiffesisen Bank International, PepsiCo va Mondeles kabi kompaniyalari haligacha Rossiyada faoliyatini davom ettirmoqda.
Sentyabr oxirida Yevropa Ittifoqi rahbarlari Rossiyaning muzlatilgan aktivlarini garovga qo‘ygan holda Ukrainaga 140 milliard yevro kredit berish rejasini ma’qulladi. Kreml bu rejani qoraladi va uni "o‘g‘rilik" deb atadi.
Jasmin Turkiyada nega qo‘lga olingani ma’lum bo‘ldi
Agar dollar O‘zbekiston bozoridan butunlay chiqib ketsa, nima bo‘ladi?
Ukraina dronlari Rossiyaning ikki yirik neft ob’ektlarini yo‘q qilib tashladi
