HAMAS Trampning G‘azoda vaziyatni tartibga solish rejasini olmagan

HAMAS Trampning G‘azoda vaziyatni tartibga solish rejasini olmaganini ma’lum qildi, deb xabar bermoqda Reuters

Harakat vakilining so‘zlariga ko‘ra, ularga hech qanday kelishuv loyihasi taqdim etilmagan.

Avvalroq Axios nashri Tramp arab va musulmon davlatlari yetakchilariga 21 banddan iborat reja taklif qilganini xabar qilgan edi. Bu rejaga o‘t ochishni to‘xtatish, garovdagilarni ozod qilish va Isroil qo‘shinlarini sektordan bosqichma-bosqich chiqarish kiradi.

Hujjat, shuningdek, hududda yangi xavfsizlik kuchlarini yaratishni nazarda tutadi va HAMASning G‘azo boshqaruvida ishtirok etishini istisno qiladi.