Shahrisabzda piyodalar yo‘lakchasidan o‘tayotgan o‘quvchiga yo‘l bermay, xavfli vaziyat keltirib chiqargan 68 yoshli haydovchi transport boshqarish huquqidan 1 yilga mahrum etildi.
11 sentyabr kuni Shahrisabz shahrida Damas haydovchisi piyodalar o‘tish joyidan o‘tayotgan bolaga yo‘l bermay, uning hayotini xavf ostida qoldirgan video ijtimoiy tarmoqlarda tarqalib, keng muhokamaga sabab bo‘ldi.
Kadrlarda bola yo‘ldan o‘tayotganda boshqa mashinalar to‘xtagani, ammo Damas harakatni to‘xtatmagani ko‘riladi. O‘quvchi qochishga urinishi oqibatda yiqilib ketib, mashinaning og‘ir zarbasidan omon qolgan. Avtomobil esa katta tezlikda uning yon tomonidan o‘tib ketgan.
YHXX axborot xizmati ma’lum qilishicha, bu holatni sodir etgan qoidabuzar haydovchi topilgan va unga nisbatan ma’muriy ish qo‘zg‘atilgan.
Shahrisabz shahri sudi haydovchini BHMning 25 baravari miqdorida (10,3 mln so‘m) jarima to‘lashga hamda bir yil muddatga transport vositalarini boshqarish huquqidan mahrum etishga hukm qildi.
Hodisa yo‘llarda piyodalar xavfsizligi masalasi yanada dolzarb ekanini ko‘rsatdi.
"UzAuto Motors" 8 ta yangi model chiqarmoqchi
BMTda Falastinga doir muhim hujjat qabul qilindi. Qaysi davlatlar qarshi ovoz bergani ma’lum
Nikolay Valuyevga nisbatan qidiruv e’lon qilindi
