Buyuk Britaniya hukumati noqonuniy muhojirlarning boshpana so‘rovlari ko‘rib chiqilayotgan vaqtda ularni joylashtirish uchun sobiq harbiy bazalardan foydalanish niyatida.
Bu haqda The Daily Telegraph nashri xabar bermoqda.
Nashrning yozishicha, yaqin haftalarda rasman e’lon qilinishi kerak bo‘lgan ushbu rejalarni amalga oshirish Ichki ishlar vazirligining yangi rahbari Shabana Mahmudga yuklangan. U 5 sentyabr kuni bosh vazir Kir Starmer tomonidan hukumat tarkibidagi o‘zgarishlardan so‘ng boshqarmani boshqargan. Maqolada ta’kidlanganidek, noqonuniy muhojirlarni sobiq harbiy bazalarga joylashtirishdan asosiy maqsad mehmonxonalardagi noqonuniy muhojirlarni saqlash xarajatlarini kamaytirishdir, bu esa so‘nggi haftalarda aholining noroziligiga sabab bo‘lmoqda.
Bu maqsadlarda hukumat muhojirlarni joylashtirish uchun ikkita sobiq harbiy bazadan – London yaqinidagi Esseks va Kent grafliklarida foydalanishni taklif qilmoqda. Ularni avvalgi konservativ hukumat tayyorlagan, biroq bu rejalar harbiy kazarmalarni qamoqxonalarga qiyoslagan huquq himoyachilari tomonidan qattiq tanqid qilingan.
Sherzodxon Qudratxo‘ja Lola Karimovaga Islom Karimovning xatolarini eslatdi va baloga qoldi
"Biz neftni qayerdan sotib olishimiz, bizga eng foydali variantdan kelib chiqib hal qilinadi"
Si Koreya uchun, Kim Tayvan uchun ha deydi
