Toshkentda qurilayotgan Islom sivilizasiyasi markazida yong‘in chiqdi

Olmazor tumanida sodir bo‘lgan yong‘in to‘g‘risida birlamchi ma’lumot berildi.

Bugun, 19 avgust soat 11:11 da Toshkent shahar, Olmazor tumani, Zarqaynar ko‘chasida joylashgan Islom sivilizasiyasi markazi hududida qurilish mahsulotlari yonayotganligi to‘g‘risida FVBga xabar kelib tushgan.

Shunga ko‘ra, aytilgan manzilda navbatchilikda turgan va boshqa yordamga yetib borgan yong‘in-qutqaruv ekipajlari tomonidan yong‘inni o‘chirish ishlari amalga oshirilmoqda.

Yong‘in natijasida tan jarohati olganlar to‘g‘risida xabar kelib tushmagan.

Qo‘shimcha ma’lumot taqdim etiladi.