Samarqandda yangi Tracker yonib ketdi

Samarqand viloyati FVB matbuot xizmatining ma’lum qilishicha, kecha, 25 iyul kuni soat 16:40 larda Samarqand viloyati FVBga “112” tizimi orqali, Samarqand shahar, Al-Xorazmiy ko‘chasida harakatlanib kelgan, fuqaro L.S. boshqaruvidagi Tracker-2 rusumli avtomobilda yong‘in sodir bo‘layotganligi to‘g‘risida xabar kelib tushgan.

Xabarga ko‘ra, voqea joyiga 1 ta yong‘in-qutqaruv ekipaji soat 16:43 da yetib borib, yong‘in soat 16:53 da o‘chirilgan. Yong‘in oqibatida hech kim jabrlanmagan.

Hozirda yong‘in sababi va moddiy zarar miqdori aniqlanmoqda.