Grand-Kanyondagi yong‘in tufayli 500 nafarga yaqin sayyoh evakuasiya qilindi

AQShning Arizona shtatida joylashgan Grand-Kanyon Milliy bog‘ida o‘rmon yong‘inlari kuzatilmoqda. Bog‘ ma’muriyati ma’lumotiga ko‘ra, mamlakatning janubi-g‘arbida joylashgan ushbu hududda shoshilinch evakuasiya ishlari olib borilgan.

«Kecha tongda Grand-Kanyon xodimlari taxminan 500 nafar mehmonni evakuasiya qildi. Barcha sayyohlar xavfli hududni tark etdi. Shuningdek, bog‘ xodimlari va mahalliy aholi ham qutqarildi», — deyiladi rasmiy bayonotda.

Grand-Kanyon — AQShning eng mashhur va tabiiy mo‘’jizalaridan biri. U millionlab yillar davomida Kolorado daryosi tomonidan shakllangan. Daryo qizil qumtosh va boshqa tosh qatlamlarini yerga chuqur yoritib, kengligi 30 km, chuqurligi esa 1,6 km dan ortiq bo‘lgan ulkan jar yaratgan. 2023 yilda bu manzarali hududni taxminan 5 million kishi ziyorat qilgan.

Hozircha kanyonning shimoliy qismi (North Rim) ham vaqtincha yopilgan. Rasmiy ma’lumotda: «Severniy krayga kirish vaqtincha cheklangan» — deb qayd etilgan.

Yong‘in xavfi tufayli mehmonxona va bir nechta do‘konlar ham evakuasiya qilindi. Polisiya ma’lumotiga ko‘ra, evakuasiya qilinganlarning aksariyati — palatkalarda dam olayotgan sayyohlar.

Polisiya vakili Jon Pakston tushuntirishicha: «Bu hudud — baland tog‘li cho‘l, asosan ochiq o‘rmonzor, u kemping (palatkali dam olish) uchun mo‘ljallangan».

Yong‘inning kelib chiqish sababi — payshanba kuni yomg‘ir vaqtidagi chaqmoq urishi bo‘lgani aytilmoqda. Rasmiylar ma’lumotiga ko‘ra, quruq havo va o‘zgaruvchan shamol yong‘inga qarshi kurashishni qiyinlashtirmoqda.

Hozirgacha taxminan 3 500 gektar maydon yong‘inga yo‘liqqani xabar qilindi.