Suriyadagi portlashda kamida 5 nafar inson halok bo‘ldi

Suriya shimolidagi Aleppo shahri yaqinidagi qurol omborida sodir bo‘lgan portlashda kamida 5 kishi halok bo‘ldi, 14 kishi yaralandi.

Bu haqda fuqarolik mudofaasi xizmatidagi manbalarga tayanib, Al Mayadeen telekanali xabar berdi.

Unga ko‘ra, Suriyaning sobiq havo mudofaa bazasida o‘q-dorilarning portlashiga nima sabab bo‘lgani — ombordagi yong‘in yoki Isroil harbiy-havo kuchlarining unga berilgan zarbasi hozircha noma’lum.

Guvohlarning xabar berishicha, portlash sodir bo‘lgan Neyrab hududida harbiy ob’ekt yaqinida joylashgan bir qancha binolar zarar ko‘rgan.