Kanada havo kuchlariga tarixda ilk marta ayol rahbarlik qiladi

General-leytenant Jeymi Speyser-Blanshet Kanada havo kuchlari qo‘mondoni lavozimini egallagan birinchi ayol bo‘ldi.

Bu haqda Kanada mudofaa vazirligi matbuot xizmati ma’lum qildi.

"General-leytenant Speyser-Blanshet Kanada havo kuchlarining 22-qo‘mondoni va bu lavozimni egallagan birinchi ayol bo‘ldi", — deyiladi departament xabarida.

The Canadian Press nashri xabariga ko‘ra, tayinlash marosimida yangi bosh qo‘mondon Kanada havo kuchlari "katta qiyinchiliklarga" duch kelayotganini ta’kidladi. "Hozir bizda kadrlar yetishmaydi, jangovar tayyorgarlikka yuqori talablar mavjud. Menimcha, bu asosiy muammo", - deya qo‘shimcha qildi u.

Kanada Harbiy-havo kuchlari qo‘mondoni etib tayinlanishidan oldin Speyser-Blanshet Griffon hujum vertolyotining uchuvchisi bo‘lgan va BMT va NATOning Gaiti va Bosniya va Gersegovinadagi missiyalarida qatnashgan va Kanada havo kuchlarida turli qo‘mondonlik postlarida ishlagan.