Odam savdosiga qarshi kurash bo‘yicha keng ko‘lamli xalqaro operasiya natijasida kamida 158 nafar gumondor qo‘lga olindi. Hozirda olib borilayotgan tergov doirasida jinoiy faoliyatga aloqadorligi aytilayotgan yana 205 nafar shaxsning shaxsi ham aniqlangan.
Bu haqda Interpol press-relizida ma’lum qilindi.
"Operasiyada 43 mamlakatdan 15 mingga yaqin huquqni muhofaza qilish organlari xodimlari, jumladan polisiya, chegarachilar, mehnat inspektorlari, shuningdek, soliq va bojxona organlari ishtirok etdi”, — deyiladi agentlik xabarida.
U yerda “Global zanjir” operasiyasi 2025 yilning 1-6 iyun kunlari Avstriya va Ruminiya huquq-tartibot idoralari rahbarligida bo‘lib o‘tgani ta’kidlandi. Muvofiqlashtirish va qo‘llab-quvvatlash Interpol, Yevropol va Yevropa chegara va qirg‘oq qo‘riqlash agentligi tomonidan amalga oshirildi.
Tergovchilar, shuningdek, 64 xil davlat fuqarolari bo‘lgan "1194 potensial qurbonlar" aniqlangani haqida xabar berishdi, ularning aksariyati Ruminiya, Ukraina, Kolumbiya va Xitoydan. Qayd etilishicha, operasiya davomida salkam 278 ming yevro naqd pul, qalbaki hujjatlar, giyohvand moddalar va o‘qotar qurollar musodara qilingan.
Dilshod To‘raxo‘jayev ishi: Rossiya O‘zbekistonga nota yo‘lladi
Mashhur bloger Abduroziq Dubay aeroportida hibsga olindi
Cobalt narxi Rossiyada qancha?
