Isroil tashqi ishlar vaziri: "G‘azo bo‘yicha kelishuvga deyarli erishildi"

Isroil tashqi ishlar vaziri Gideon Saarning fikricha, G‘azo sektorini tartibga solish bo‘yicha garovga olinganlarni ozod qilish va o‘t ochishni to‘xtatishni o‘z ichiga olgan kelishuv "erishildi".

U bu haqda Venada Avstriya prezidenti Aleksandr Van der Bellen bilan uchrashuvda ma’lum qilgan.

"Uchrashuv chog‘ida Saar Dohada bo‘lib o‘tayotgan garovga olinganlarni ozod qilish bo‘yicha muzokaralar mavzusiga to‘xtalib o‘tdi. Saar Isroil garovga olinganlarni ozod qilish va o‘t ochishni to‘xtatish bo‘yicha kelishuv tuzishga jiddiy yondashishini va bunday kelishuvga erishish mumkin, deb hisoblashini aytdi”, — deyiladi yahudiy davlati TIV matbuot xizmati xabarida.

Eslatib o‘tamiz, 6 iyul kuni XAMAS va Isroil Misr, Qatar va AQSh vositachiligida Dohada G‘azo sektorida o‘t ochishni to‘xtatish va anklavda garovga olingan isroilliklarni ozod qilish bo‘yicha kelishuvga erishishga qaratilgan muzokaralar jarayonini qayta boshlagan edi. Isroil tomonining so‘nggi ma’lumotlariga ko‘ra, radikallar G‘azo sektorida o‘g‘irlab ketilgan 20 nafar tirik va 30 nafar halok bo‘lgan garovga olinganlarning jasadlarini ushlab turishda davom etmoqda.