Rossiya Ukrainada kimyoviy qurol qo‘llanganmi?

Markaziy razvedka boshqarmasi (MRB) direktori Jon Retkliff Amerika yetakchisi Donald Trampga Rossiyaning Ukrainaga zarbalar berishda kimyoviy qurol qo‘llagani haqidagi mavjud ma’lumotlarni taqdim etishga tayyorligini aytdi. Bu haqda Retkliff Oq uyda prezidentlar kabinetining yig‘ilishida ma’lum qilgan. "Albatta, agar kimyoviy qurol qo‘llangani hujjatlashtirilgan bo‘lsa, demak, bu noqonuniy hisoblanadi va qurolli to‘qnashuvlar va kelishuvlarning barcha xalqaro qoidalarini buzadi. Va, shubhasiz, men sizga shaxsiy ravishda taqdim etishim mumkin bo‘lgan razvedka ma’lumotlarini bu yerda taqdim eta olmayman", — dedi Markaziy razvedka boshqarmasi direktori Trampga murojaat qilib. Lekin siz, albatta, toqat qilmaysiz va hech kimning xalqaro huquq me’yorlarini buzishiga yo‘l qo‘ymaysiz”, dedi. "Bu haqiqat", deb javob berdi Tramp. Eslatib o‘tamiz, 26 iyun kuni Kimyoviy qurollarni taqiqlash tashkiloti Ukraina hududiga uchinchi texnik missiyasi haqidagi hisobotida Ukrainadagi jangovar zonada to‘plangan namunalarda xlorbenzalmalonodinitril zaharli moddasi topilgani haqida ma’lum qilgan edi. Mutaxassislar xulosasiga ko‘ra, taqdim etilgan barcha namunalarda ko‘zdan yosh oqizuvchi gaz izlari bor bo‘lib, Kimyoviy qurollar bo‘yicha konvensiyaga ko‘ra, harbiy maqsadlarda foydalanish mumkin emas.