"Ukrainadan Yaqin Sharqqacha bo‘lgan hududlardagi xalqaro harbiy mojarolar aviaqatnovlarga jiddiy ta’sir ko‘rsatmoqda. Tashuvchilar nafaqat bir qator havo yo‘nalishlaridan chetlanishga, balki navigasiya tizimlaridagi to‘siqlarni ham bartaraf etishga tayyor bo‘lishlari zarur", deya yozmoqda nashr.
Qayd etilishicha, Eron va Isroil o‘rtasidagi urush aviakompaniyalar faoliyatini yanada murakkablashtirgan, ular mojaro hududini chetlab o‘tishga harakat qilayotganda, ayni paytda Rossiya havo bo‘shlig‘ida parvozlar uchun joriy etilgan taqiqqa ham rioya qilishlari shart bo‘lgan.
Flightradar24 sayti ma’lumotlariga ko‘ra, G‘arb aviatashuvchilarining aksariyati Iroq havo hududi yoki Arabiston yarim oroli ustidan o‘tadigan marshrutni afzal ko‘rmoqda.
"Mojarolarning tijorat aviasiyasiga to‘g‘ridan-to‘g‘ri ta’sirining yana bir misoli Pokiston bo‘lib, u 2025 yil aprelida Hindiston bilan qurolli to‘qnashuvdan so‘ng hind aviatashuvchilari uchun o‘z havo hududini yopdi. G‘arb aviakompaniyalari uchun taqiq amal qilmasa-da, ularning ko‘pchiligi hamon bu mintaqa ustidan parvoz qilishdan o‘zini tiymoqda", deyiladi DW maqolasida.
Tahlilchi Jon Grantning fikricha, Yevropa aviakompaniyalari Rossiyaning Ukrainaga qarshi uch yillik urushi davomida Rossiya ustidan uchishlar taqiqiga moslashib olgan.
Rossiya sanksiyalar bilan tahdid qilmoqda: nishonda O‘zbekiston ham bor!
Kecha Toshkentda rekord darajadagi issiq havo qayd etildi
Qator davlatlar milliy o‘zlikka qaytish maqsadida nomini o‘zgartirdi
