Xitoy Eronning havo mudofaa tizimini qayta qurmoqda

Eron Xitoyga HQ-9B yer-havo raketa tizimlari uchun murojaat qilgan va bu tizimlar so‘nggi 12 kunlik mojaroda Isroil tomonidan vayron qilingan havo mudofaasi o‘rnini bosishi mumkin.

Middle East Eye ma’lumotlariga ko‘ra, Xitoy allaqachon Eronga ushbu tizimlardan bir nechtasini yetkazib bergan. Yetkazib berish harbiy harakatlar tugagandan so‘ng darhol boshlangan. Tehron qancha tizim sotib olgani noma’lum, ammo arab manbalari ular uchun neft bilan to‘layotganini aytishmoqda. Xitoy hozirda Eron eksport neftining 90 foizini sotib oladi.

Xitoyning HQ-9B tizimi Rossiyaning S-300 havo mudofaa tizimiga asoslangan. U samolyotlar va ballistik raketalarga qarshi kurashish uchun mo‘ljallangan. Yaqinda Misr ham xuddi shu tizimlarni sotib olayotgani ma’lum bo‘ldi.