Donald Tramp Isroil-Eron mojarosiga qo‘shilish yo qo‘shilmaslik bo‘yicha qarorni kelgusi ikki hafta ichida qabul qiladi

Tramp yaqin 2 hafta ichida Eronga ehtimoliy hujum bo‘yicha qaror qabul qiladi, deb xabar bermoqda Oq uy.

Oq uy matbuot kotibi Karolin Levift AQSh prezidentining keng muhokama qilinayotgan masala yuzasidan pozisiyasini o‘qib eshittirdi.

Avvalroq AQSh prezidentining maxsus vakili Stiv Uitkoff va Eron tashqi ishlar vaziri Abbos Arakchi Islom Respublikasi va Isroil o‘rtasida zarbalar almashinuvi boshlanganidan keyin bir necha bor telefon orqali muloqot qilgani, biroq qarama-qarshilikni diplomatik yo‘l bilan hal qila olmagani ma’lum bo‘lgandi.