"Shu dam olish kunlari AQSh Eronni keng ko‘lamli bombardimon qilishni boshlaydi" - manba

AQSh shu dam olish kunlari, 21 va 22 iyun kunlari Eronga zarba berishi mumkin, dedi Puliser mukofoti sovrindori amerikalik jurnalist Seymur Xersh AQSh va Isroildagi manbalarga tayanib.

Xershning so‘zlariga ko‘ra, Qo‘shma Shtatlar Eronni keng ko‘lamli bombardimon qilishni boshlaydi.

Amerikaning yuqori martabali mulozimlaridan birining aytishicha, agar Eron oliy rahbari Oyatulloh Ali Xomanaiy lavozimini tark etsa, Qo‘shma Shtatlar "hamma narsa nazorat ostida bo‘ladi". Xershning ta’kidlashicha, bu qanday sodir bo‘lishi aniq emas. Jurnalist ular Eron oliy rahbarini yo‘q qilishga harakat qilishlarini inkor etmadi, lekin bu rejaning amalga oshishiga shubha qildi.