Microsoft asoschisi Bill Geyts barcha pullarini xayriya qiladi

Amerikalik milliarder va Microsoft asoschisi Bill Geyts 2045 yilgacha o‘z boyligining qariyb 200 milliard dollarini xayriya jamg‘armasiga o‘tkazishini ma’lum qildi.

Bu haqda xorijiy OAV xabar bermoqda.

69 yoshli milliarderning aytishicha, u deyarli barcha boyliklarini berish rejalarini tezlashtirmoqda va 2045 yilning 31 dekabrida o‘z jamg‘armasini avval rejalashtirilganidan bir necha yil oldin yopadi.

Geytsning so‘zlariga ko‘ra, bu mablag‘lar uning poliomielit va bezgak kabi kasalliklarni yo‘q qilish, ayollar va bolalar o‘rtasidagi oldini olish mumkin bo‘lgan o‘limni tugatish va global qashshoqlikni kamaytirish maqsadlariga erishishga yordam beradi.