O‘zbekiston Respublikasi o‘z fuqarolarining Rossiya armiyasi safida urushda qatnashgani yuzasidan tekshiruv boshladi

O‘zbekiston Respublikasi o‘z fuqarolarining Rossiya armiyasi safida urushda qatnashgani yuzasidan tekshiruv boshladi. Bu haqda O‘zbekiston TIV ma’lumot berdi.

Tashqi ishlar vazirligi matbuot kotibi Ahror Burxonovning ma’lum qilishicha, Rossiya Mudofaa vazirligi bilan shartnoma imzolab, Ukrainaga qarshi urushda qatnashgan 1110 nafar o‘zbekistonlik fuqaroga oid xabarlar tekshirilmoqda.

"O‘zbekiston Respublikasi fuqarolarining xorijdagi harbiy harakatlarda ishtirok etishi qonunchiligimizda taqiqlangan. Agar bu ma’lumotlar tasdiqlansa, tegishli choralar ko‘riladi", — deya qo‘shimcha qildi TIV vakili.

Avvalroq Ukrainaning “Xochu jit” loyihasi Rossiya armiyasi safida jang qilayotgan o‘zbekistonliklar haqida ma’lumotlarni e’lon qilgan edi.