Зироат Мирзиёева Хоразм вилоятига ташрифи давомида 96-сон заиф эшитувчи болалар учун ихтисослаштирилган мактаб-интернатида бўлди ҳамда Урганч шаҳридаги ёшлар ижодиёт марказидаги инклюзив ижтимоий муҳит билан танишди.
Мактабда ўтказилган ҳунармандчилик ярмаркаси ва робототехника мусобақаси алоҳида баҳорий кайфият яратди. Болалар ўзлари танлаган йўналишлар бўйича ўқиш жараёнида шаклланган ижодий ва техник қобилиятларини намойиш этдилар. "Zamin Education" синфида эса меҳмонларга ўқувчиларнинг олий таълим муассасаларига кириш учун имтиҳон топширишга тайёргарлик жараёни намойиш этилди.
"Zamin" фонди Васийлик кенгаши раисига ижодий марказ педагоглари "International Inclusive Hub"нинг инклюзив касб-ҳунар таълимини ривожлантиришга қаратилган методикаларини жорий этиш ва кенгайтириш бўйича минтақавий платформани тақдимот қилди.