Ўзбекистон миллий терма жамоаси ва Manchester City клуби ҳимоячиси Абдуқодир Ҳусанов апрель ойида Ўзбекистонга ташриф буюрди. У жаҳон чемпионати саралаш босқичи доирасидаги ўйинларда иштирок этиш мақсадида юртимизга келган эди.
Маълум бўлишича, футболчи ушбу ташриф давомида Imarat Development томонидан амалга оширилаётган Imarat Hills лойиҳасидан ўз ота-онаси учун қиймати 330 000 АҚШ долларига тенг бўлган ҳашаматли виллани харид қилган. Бу ҳақда компания асосчиси Марат Хайруллаевич ўзининг шахсий Instagram саҳифасида очиқлади.
Айтилишича, футболчи шахсан сотув офисига ташриф буюриб, лойиҳа билан яқиндан танишган ва танловни айнан Imarat Hills фойдасига қилган. Абдуқодир Ҳусанов бугунги кунда Ўзбекистон футболида энг ёрқин юлдузлардан бири ҳисобланади.
Унинг профессионал фаолияти сўнгги йилларда кескин ўсишни намоён қилди. Жумладан, у Европа футболида ўз ўрнига эга бўлиб, Англиянинг гранд клубларидан бири — Manchester City сафида тўп сурмоқда.
Шунингдек, манбаларга кўра, Ҳусанов 2026 йилда АҚШда бўлиб ўтадиган жаҳон чемпионатида Ўзбекистон миллий терма жамоаси таркибида иштирок этиши кутилмоқда. Унинг юқори спорт формаси ва барқарор ўйини туфайли у жамоанинг асосий таянч футболчиларидан бири сифатида кўрилмоқда.
Қайд этиш жоизки, футболчи яқинда Manchester City клубида февраль–март ойларининг энг яхши футболчиси сифатида эътироф этилган.
Ўзбекистонлик икки футболчи Португалия клубига йўл олмоқда
Кореяда вафот этган ўзбекистонлик қиз ҳақида расмий баёнот берилди
Эрон Исроил билан алоқа қилганлиги учун юқори лавозимли амалдорни қатл қилди
