Украина президенти Владимир Зеленский мамлакат ҳудудининг бир қисмини йўқотишга олиб келиши мумкин бўлган тинчлик келишувини қабул қилишга тайёрлигини билдирди. Бу ҳақда у Fox News телеканалига берган интервьюсида маълум қилди.
Журналист Зеленскийдан Украина ҳудудининг камида 75 фоизи устидан назоратни сақлаб қолиш имконини берадиган ва ҳозирги вазиятни барқарорлаштирадиган келишувга рози бўладими, деб сўради.
«Ҳа, биз ҳозир вазиятни барқарорлаштиришимиз керак ва менимча, бу урушни тугатишнинг ҳақиқий йўли», — деб жавоб берди Украина раҳбари.
Бундан икки кун олдин АҚШ молия вазири Скотт Бессент Зеленскийнинг Россияни мағлуб этишга қаратилган қатъий позициясини танқид қилган эди. У Украина ғалаба қозониши ёки мағлуб бўлиши кераклиги ҳақидаги ёндашувни «ёлғон дихотомия» деб атаб, урушни музокаралар орқали тугатиш зарурлигини таъкидлади.
Якшанба куни NBC телеканалидаги «Пресс билан учрашув» дастурида иштирок этган Зеленский эса Украина урушда ғалаба қозониши кераклигини айтди. Унинг таъкидлашича, бу мамлакат мустақиллиги, геосиёсий йўналиши ва миллий ўзлигини сақлаб қолиш учун муҳим.
Шунингдек, Украина президенти АҚШ Россия томонини қўллаб-қувватлаши мумкинлигидан хавотир билдирди. У бундай шароитда Украинанинг ғалаба қозониши қийинлашишини таъкидлади.
Зеленскийнинг баёнотига жавобан Бессент Украина раҳбари сохта танловни илгари сураётганини айтди. Унинг фикрича, асосий вазифа урушда ким ғалаба қозонишини аниқлаш эмас, балки ҳарбий ҳаракатларни тўхтатиш бўлиши керак.
«Уруш тугаши керак ва бу қандайдир музокаралар орқали амалга оширилади», — деди АҚШ молия вазири.
Шоҳжаҳон Эргашевнинг Тошкентдаги жанги жанжал билан ниҳоясига етди
40 млн одам Жанубий Осиёдан кўчишга мажбур бўлиши мумкин
Биз Ғазо сектори ва Ливан қишлоқларини вайрон қиляпмиз, бутун дунё эса бизга қойил қолмоқда
