Украинага ҳарбий ёрдам кўрсатиш масаласида Польша ва Киев ўртасида келишмовчилик юзага келгани ҳақидаги хабарларга Варшава расмий муносабат билдирди.
Польша Мудофаа вазирлиги вакили Януш Сеймей Fakt нашрига берган изоҳида мамлакат Украинага қурол-яроғ етказиб беришни тўхтатгани ҳақидаги маълумотларни ҳақиқатга зид деб атади.
Аввалроқ Украина ОАВда Львов вилояти кенгашининг қарори сабаб Польша йирик ҳарбий ёрдам пакетини юборишни тўхтатгани ҳақида хабарлар тарқалган эди.
Гап маҳаллий депутатларнинг 2027 йилни Украина қўзғолончилар армияси (УПА) ва унинг қўмондони Роман Шухевич хотирасига бағишлаш тўғрисидаги қарори ҳақида кетмоқда. Мазкур ташаббус Польша расмийларининг норозилигига сабаб бўлган.
Варшава ушбу қарорни илгари сурган Львов вилояти кенгаши депутати Святослав Шереметанинг мамлакатга киришини чеклаш масаласини ҳам кўтарган.
Шунга қарамай, Польша Мудофаа вазирлиги Украинага ҳарбий ёрдам етказиб бериш тўхтатилганини тасдиқламади.
Ўзбекистондан учган иккита самолёт ва яна 370 дан ортиқ бошқа рейслар дрон таҳдидлари туфайли Москвага қўна олмади
40 млн одам Жанубий Осиёдан кўчишга мажбур бўлиши мумкин
Биз Ғазо сектори ва Ливан қишлоқларини вайрон қиляпмиз, бутун дунё эса бизга қойил қолмоқда
