Яҳудий ибодатхонасига ўт қўйиб юборган шахс ҳибсга олинди

Австралиянинг Виктория штати полицияси ўз веб-сайтидаги пресс-релизда Мельбурн шарқидаги синагога (яҳудий ибодатхонаси)га ўт қўйганликда гумон қилинган бир одамни ҳибсга олгани ва айблов эълон қилганини маълум қилди.

Якшанба куни эълон қилинган хабарга кўра, ўт қўйиш ҳодисаси жума куни кечқурун содир бўлган. Айтилишича, 34 ёшли эркак ибодатхонага кириб, олд эшикка тез ёнувчи суюқлик қуйиб, уни ёқиб юборган ва қочиб кетган. Қайд этилишича, ўт қўйиш вақтида бинода 20 киши бўлган, бироқ улар соғ-омон қочишга муваффақ бўлган. Ўт ўчирувчилар ёнғинни ўчиришган, ёнғин эшикдан ташқарига тарқалмаган.

"34 ёшли эркак шанба куни кечқурун Мельбурнда ҳибсга олинди. У терговчилар томонидан сўроқ қилинди ва ўт қўйиш орқали зарар етказиш ва қурол сақлашда айбланди", дейилади полиция сайтидаги пресс-релизда.

Айтилишича, эркак якшанба куни судга келади, полиция гумонланувчининг ҳаракатлари сабабларини ҳали аниқламаган. Сўнгги ойларда Австралия расмийлари яҳудий жамияти вакилларига ҳужумлар кўпайганини қайд этди. Антисемитистик ҳужумлар сериясининг энг шов-шувли ҳолатларидан бири 2024 йил 6 декабрда Мельбурн жануби-шарқидаги Ҳадасс Исроил ибодатхонасига ўт қўйиш бўлди. Натижада қурбонлар йўқ, аммо бино жиддий зарар кўрди. Бир неча кундан кейин полиция ўт қўйишни террорчилик ҳаракати деб баҳолади.