Хоманаий Эронга нисбатан ҳар қандай таҳдидга зудлик билан жавоб қайтаришни буюрди

Эрон Қуролли кучлари олий бош қўмондони, оятулло Саййид Мужтабо Хоманаий душман томонидан юзага келиши мумкин бўлган ҳар қандай таҳдидга, унинг хусусияти ва географик жойлашувидан қатъи назар, зудлик билан ва самарали жавоб қайтаришни таъминлаш бўйича кўрсатма берди.

Бу ҳақда Хоманаийнинг Ислом Республикаси Қуролли кучлари юқори мартабали қўмондонлари билан учрашуви якунлари бўйича тарқатилган хабарда айтилган.

Учрашув давомида олий раҳбар «душманларга кучли қаршилик кўрсатиш учун оқилона жанговар шайлик»ни «максимал даражада тийиб туриш»ни таъминлашнинг асосий шартларидан бири сифатида қайд этган.

Хоманаий, шунингдек, ҳарбий разведка тизимини мустаҳкамлаш, миллий мудофаа саноатини доктринал ва тактик йўналишларда ривожлантириш, энг янги технологиялар асосида замонавий мудофаа ва куч ишлатиш салоҳиятини ошириш, шунингдек, ҳарбий хизматчиларнинг жанговар руҳини кўтариш ва уларнинг моддий эҳтиёжларини таъминлашни топширган.

Бундан ташқари, олий бош қўмондон Эрон Қуролли кучлари нишонга олиши мумкин бўлган объектлар рўйхатини янгилашни буюрган. Бунда АҚШ ва Исроилнинг моддий ҳамда номоддий активларининг турли кўринишлари Эрон Қуролли кучлари ета оладиган масофада бўлиши кўзда тутилган.