Хитойда кўчки содир бўлди, ҳалок бўлганлар бор

Хитойнинг жануби-шарқидаги Цзянси провинциясида содир бўлган кўчки оқибатида камида икки киши ҳалок бўлди ва яна 10 киши бедарак йўқолди.

Бу ҳақда Хитой Марказий телевидениеси хабар берди.

Кўчки 5 сентябрь куни эрта тонгда Цзиань шаҳрининг Суйчуань округидаги қишлоқда содир бўлган. Аввалроқ бир кишининг ўлими ҳақида хабар берилган эди.

Кўчки саккизта уйни бутунлай вайрон қилди, яна тўртта уйга кичик зарар етказилди. Қидирув-қутқарув ишлари давом этмоқда.