Венгрия ва Словакия Россияга қарши 20-пакет санкцияларни қабул қилишга вето қўйди. Европа Иттифоқи давлатлари мазкур пакетни Россия–Украина уруши бошланганининг тўртинчи йиллигига қадар тасдиқлашни режалаштирган эди.
Масала ЕИ Ташқи ишлар вазирлари кенгашининг бугунги йиғилиши кун тартибидаги асосий мавзулардан бири бўлди.
Болгария ТИВ раҳбари Надежда Невинская Венгрия вакили ветога асос бўлган далилларни баён этганини маълум қилди. Унинг сўзларига кўра, пакет ҳозирча икки давлат қаршилиги сабабли қабул қилинмаган.
Словения ташқи ва Европа ишлари вазири Таня Файон муҳокамалар “анча кескин” ўтганини айтди. У ветo қўйган давлатлар билан музокаралар давом этаётганини ва келишувга эришиш зарурлигини таъкидлади.
Файоннинг фикрича, Европа Иттифоқи музокаралар столида иштирок этишни истаса, аниқ позицияга эга бўлиши ва ким билан ҳамда қайси масалалар бўйича мулоқот олиб боришини белгилаб олиши керак.
Уйига фақат тунда келишни одат қилган қарздорга МИБ "сюрприз" қилди
Доллар турбулентлик босқичига кирмоқда
Умрага бориш 19 мартдан расман тўхтатилади
