АҚШ Президенти Дональд Трамп BBC телеканалига берган интервьюсида Россия раҳбари Владимир Путиндан ноумид бўлганини ва Кремлнинг Украина можаросини ҳал этишга нисбатан позициясидан норозилигини билдирди.
«Мен ундан ноумидман, лекин у билан алоқаларимиз тугамади. Аммо мен ундан ноумидман», — деди Трамп.
Трамп Россиядан 50 кун ичида можарони бартараф этишни талаб қилиб, акс ҳолда Россия билан савдо алоқаларида бўлган давлатларга 100 фоизгача етиши мумкин бўлган "иккиламчи тарифлар" жорий этилишини айтди.
«Агар келишув 50 кун ичида амалга ошмаса, биз жуда қаттиқ тарифларни жорий этамиз», — деди у.
Шунингдек, Трамп НАТО билан Украинага катта миқдорда ҳарбий ёрдам етказиб бериш юзасидан келишувга эришилганини таъкидлади.
«Биз энг замонавий қуроллар ишлаб чиқарамиз ва уни НАТОга бериб борамиз, сўнгра эса альянс бу қуролларни қаерда зарур бўлса ўша ерга етказади», — деди АҚШ раҳбари.
Унинг сўзларига кўра, у аввалроқ Россия билан тўрт марта тинчлик келишувига яқин келган, аммо низо ҳали ҳам давом этмоқда.
Бундан олдин Трамп АҚШ Украинага Patriot зенит-ракеталик мажмуаларини юборишини айтган, бироқ улар учун молиявий харажатларни Европа Иттифоқи қоплаши кераклигини маълум қилган.
Машҳур блогер Абдурозиқ Дубай аэропортида ҳибсга олинди
Дилшод Тўрахўжаев иши: Россия Ўзбекистонга нота йўллади
Cobalt нархи Россияда қанча?
