АҚШ президенти Доналд Трамп Эстония президенти Алар Карисга АҚШнинг Украина бўйича музокаралар жараёнидан чиқмаслигини ваъда берди. Бу ҳақда Карис ERR нашрига хабар қилди.
У Рим Папаси Франтсискнинг дафн маросимида АҚШ президенти ва унинг рафиқаси ёнида ўтиргани, маросимдан сўнг улар суҳбатлашганини айтди.
"Мен тинчлик ўрнатиш жараёни қандай бораётгани ҳақида сўрадим ва ундан (Трампдан) АҚШ [воситачилик ролидан] чиқиб кетмаслиги учун жараённи давом эттириш учун барча ҳаракатларни қилишини илтимос қилдим. У шундай қилишга ваъда берди ҳамда яқинда Зеленский (Украина президенти Владимир Зеленский) билан учрашгани учун ечимга анча яқинлашганимизни айтди. Албатта, мен ундан бу учрашув натижаси ҳақида батафсил сўраб ўтирмадим," - деди Эстония президенти.
Карис, шунингдек, у Трампни Эстонияга, Трамп эса уни Вашингтонга таклиф қилганини қўшимча қилди.
Ўзбекистон Россия элчисини чақиртирди
Ҳиндистонлик талаба Тошкент тиббиёт академиясидан норози бўлди
Қодировнинг аҳволи жуда оғир: у ворис қидирмоқда
