Тошкент шаҳрида электрон тамаки маҳсулотларининг савдоси фош этилди

Бош прокуратура ҳузуридаги Департаментнинг Яшнобод тумани бўлими ва ИИВ ходимлари ҳамкорлигида ўтказилган тезкор тадбирда тамаки маҳсулотлари савдоси билан шуғулланиб келган фуқаро М.М. фуқаро С.Х.га тегишли ҳужжатлари бўлмаган 300 қути электрон тамаки маҳсулотларини 51 млн сўмга сотган вақтида ашёвий далиллар билан ушланиб, ушбу маҳсулотлар ашёвий далил сифатида олинган.

Мазкур ҳолат юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда муомалага киритиш ёки ишлаб чиқариш) билан жиноят иши қўзғатилиб, тергов ҳаракатлари ўтказилмоқда.