Саудия Арабистони 2034 йилги футбол бўйича Жаҳон чемпионати давомида алкогол сотмайди

Бу ҳақда мамлакатнинг Буюк Британиядаги элчиси, шаҳзода Халид бин Бандар Ал-Сауд маълум қилди.

Унинг таъкидлашича, ҳукумат бу борада қонунларни ўзгартириш ниятида эмас ва ҳеч қандай истисно қилинмайди.

Шаҳзоданинг сўзларига кўра, мухлислар маҳаллий маданиятга ҳурмат билан ёндошиши керак ва чемпионат давомида, ҳатто меҳмонхоналарда ҳам алкогол сотилмайди.

"Биз алкоголь истеъмол қилишга рухсат бермаймиз. Спиртли ичимлик ичмасдан ҳам ажойиб вақт ўтказиш мумкин." — деди у.