Россиянинг Киевга қарши кенг кўламли дрон ва ракета ҳужуми оқибатида олти киши ҳалок бўлди, 19 киши жароҳатланди

Бу ҳақда шаҳар мэри Виталий Кличко хабар берди.

Украина Фавқулодда вазиятлар давлат хизмати маълумотига кўра, пойтахтнинг Шевченко туманида кўп қаватли турар-жой биносининг бутун бир кириш қисми бутунлай вайрон бўлган. Ҳозирда вайроналар остини тозалаш ишлари давом этмоқда. Бундан ташқари, Киев шаҳрининг бошқа туманларида ҳам вайронагарчиликлар аниқланган.

Шунингдек, Россия зарбалари оқибатида Киев вилоятидаги турар-жой ва тиббиёт инфратузилмаси ҳам зарар кўрган.

Ички ишлар вазири Игор Клименконинг маълум қилишича, Киев вилоятида бир киши ҳалок бўлган ва саккиз киши жароҳат олган.