«Россияни жанг майдонида мағлуб этиб бўлмайди» — Россия элчихонаси

Россиянинг Берлиндаги элчихонаси Германия махсус кучларининг эҳтимолий ҳарбий тўқнашувга тайёргарлиги ҳақидаги хабарларга муносабат билдирди.

«Россияни жанг майдонида мағлуб этиш имконсиз. Мамлакатимизга стратегик мағлубият етказиш ғоялари мутлақо истиқболсиз», — дейилади элчихонанинг РИА Новости агентлигига берган баёнотида.

Дипломатик ваколатхона ушбу фикрни Германия махсус кучлари қўмондонлигининг Россия билан эҳтимолий тўқнашувга тайёргарлик кўрилаётгани ҳақидаги маълумотларига жавобан билдирган.