АҚШ Мудофаа вазирлиги НАТОнинг айрим аъзоларига Россия ҳақидаги оммавий баёнотларда эҳтиёткор бўлишни тавсия қилди. Бу ҳақда Reuters тўрт нафар манбасига таяниб хабар берди.
Маълумотларга кўра, Пентагон вакиллари сўнгги ҳафталарда Литва, Латвия ва Эстония расмийлари билан мулоқот ўтказиб, Москвага нисбатан кескин риторикани юмшатишни сўраган.
АҚШ мудофаа вазирининг сиёсий масалалар бўйича ўринбосари Элбридж Колби ҳам ушбу мурожаатларни етказган амалдорлар қаторида бўлган.
Вашингтоннинг фикрича, Россия таҳдиди ҳақидаги айрим кескин баёнотлар минтақадаги вазиятни янада мураккаблаштириб, Европа хавфсизлигига салбий таъсир кўрсатиши мумкин.
Бу ҳаракатлар Доналд Трамп маъмурияти Украинадаги урушни музокаралар орқали тугатишга қаратилган саъй-ҳаракатларини фаоллаштираётган бир пайтда амалга оширилмоқда.
Пентагон мазкур маълумотларни расман тасдиқламади. Вазирлик вакили иттифоқчилар ўртасидаги хусусий суҳбатлар мазмунини изоҳламаслигини билдирди.
Исроилда парламент сайловлари якунланди: Нетаньяху учун кутилмаган натижа
Россия Болтиқбўйи давлатларига қарши ядровий қурол қўллаши мумкин, агарда...
17 ёшли қиз ўлдирилиши 52 йилдан кейин фош этилди: унинг ота-онаси ҳақиқатни билмай вафот этди
