Португалия президенти Марсело Ребело де Соуза 13 март куни кечки мурожаатида парламент Луис Монтенегр ҳукуматига ишончсизлик вотуми ўтказилгандан сўнг тарқатилишини маълум қилди.
Бу ҳақда хориж ОАВлари хабар бермоқда.
Де Соузанинг айтишича, парламент тарқатиб юборилгач, муддатидан олдин сайловлар 18 майда, "кўпчилик партиялар афзал кўрган сана"да ўтказилади.
Португалия президентининг қарори Конституцияга кўра бундай турдаги қарорлар қабул қилишда иштирок этиши зарур бўлган маслаҳат органи – Давлат кенгаши йиғилишидан сўнг қабул қилинди.