Москва якуний тинчлик келишуви бўйича музокараларда муваффақиятга эришилса, Украинада вақтинчалик ўт очишни тўхтатишга тайёрлигини билдирди, деб хабар бермоқда Bloomberg манбалари.
Россия ва Америка вакилларининг ўтган ой Саудия Арабистонида бўлиб ўтган учрашувида мумкин бўлган ўт очишни тўхтатиш тамойиллари муҳокама қилинган эди. Россия тинчликпарварлик миссияси параметрларини, жумладан иштирокчи давлатлар таркибини аниқ белгилашни талаб қилмоқда, деб ёзади Bloomberg. Кремль НАТО қўшинларининг иштирокини рад этади, бироқ Хитой каби нейтрал давлатлардан тинчликпарвар кучларни киритишга рухсат беради.
Келаси ҳафта Саудия Арабистонида АҚШ ва Украина ўртасида тинчлик келишуви ва ўт очишни тўхтатиш бўйича музокаралар ўтказилиши режалаштирилган. АҚШ махсус элчиси Стив Виткоффнинг айтишича, учрашувдан мақсад “келажакдаги келишув асосларини келишиб олиш”.
Дональд Трамп инаугурациядан буён Россия-Украина урушини тезда тугатишга интилди, бу эса АҚШнинг можаро томонлари билан муносабатларини тубдан қайта кўриб чиқишга олиб келди. Вашингтон Украинанинг НАТОга қўшилишини қўллаб-қувватлашдан бош тортди, Киевга ҳарбий ёрдамни тўхтатди, Украина Қуролли кучлари билан разведка маълумотлари алмашинувини ва уларнинг сунъий йўлдош тасвирларига киришини чеклади.
Сўнгги кунларда Россия Украинанинг газ ва энергетика инфратузилмасига, шунингдек, тинч аҳоли манзилларига ҳужумларини кучайтирди. Бу Трампни ғазаблантирди, деди Axios Оқ уйдаги манба.
Араб давлатлари бирлашди: Европа энди танлов қаршисида!
Лавров: Украинага тинчликпарвар кучларни киритиш Россия билан тўғридан-тўғри уруш
Москва аэропортида Uzbekistan Airways самолёти шикастланди
