Путин: "Биз ўт очишни тўхтатишга розимиз, аммо..." (видео)

Россия президенти Украинанинг ўт очишни тўхтатишга тайёрлигини қандай баҳолаши ҳақидаги саволга жавоб берди. Бу ҳақда BBC хабар бермоқда.

"Биз жанговар ҳаракатларни тўхтатиш бўйича таклифларга қўшиламиз, аммо бу таклиф узоқ муддатли тинчликка олиб келадиган ва урушнинг асл сабабларини йўқ қиладиган таклиф бўлиши керак”, деди Путин Беларус президенти Александр Лукашенко билан қўшма матбуот анжуманида АҚШ президенти Дональд Трампга миннатдорчилик сўзлари билан. Путин Трамп Украинадаги можарога эътибор қаратаётган ягона жаҳон етакчиси эмаслигини таъкидлаб ўтди ва БРИКСга аъзо барча беш давлат раҳбарларини диққат билан санаб ўтди.

Путин, шунингдек, Россия принципиал жиҳатдан 30 кунлик ўт очишни тўхтатишни қўллаб-қувватлашини, бироқ “нюанслар” борлигини айтди. У шундай нюанслардан бири деб атаган Украина армиясининг Курск вилоятидаги позицияси бўлиб, уни қуршаб олиш деб таърифлаган. У ҳарбий ҳаракатларни тўхтатиш ва уни назорат қилиш билан боғлиқ бошқа кўплаб нюанслар мавжудлигини ва уларни АҚШ билан батафсил муҳокама қилиш зарурлигини таъкидлади.