Польшадаги киберфирибгарлик бўйича полиция вакили баёнот берди

Варшава полицияси вакили Польшадаги киберфирибгарлик соҳасида украиналиклар катта улушга эга эканини маълум қилди.

"Польшадаги ёки Польша аҳолисига қаратилган бу жиноий бизнес билан асосан украиналиклар шуғулланади. Улар кибержиноятчилик соҳасини деярли ўз назоратига олиб бўлган", — дея полиция вакилининг сўзларини РИА Новости келтирди.

Унинг таъкидлашича, фирибгарлик билан шуғулланувчи колл-марказлар ходимлари ва ташкилотчилари орасида ҳам украиналиклар мутлақ кўпчиликни ташкил қилади.