Орбан: «Мен Москва учун эмас, тинчлик учун ишлаяпман»

Венгрия бош вазири Виктор Орбан Европа Иттифоқи саммити бошида уни Москва манфаатлари йўлида ҳаракат қилаяпти, деган гумонларни рад этди:

«Мен фақат тинчлик учун ишлаяпман», — деди у.

Орбан Европа Иттифоқида Кремль раҳбари Владимир Путин билан мунтазам учрашиб турадиган ягона лидер бўлиб қолмоқда. Сўнгги пайтларда у Украинага қўшимча молиявий ёрдам кўрсатишга кескин қарши чиқмоқда ва айниқса Еврокомиссия таклиф қилаётган музлатилган Россия активларидан фойдаланиш режасига қарши. Орбаннинг фикрича, агар Европа Иттифоқи «кимнингдир пулини тортиб олса», у ҳолда урушдаги томонлардан бирига айланиб қолади.