Мерц: "Европа учун "Америка тинчлиги" даври тугади"

Европа учун Pax Americana ("Америка тинчлиги") даври тугади.

Бу ҳақда Германия канцлери Фридрих Мерц Христиан-ижтимоий иттифоқ қурултойида сўзлаган нутқида маълум қилди.

Германия иқтисодиёти ҳақида гапирар экан, у ўн йилдан ортиқ вақт давомида дунёнинг етакчи иқтисодларидан орқада қолаётганини айтди.

"Америка тинчлиги"нинг ўн йилликлари биз учун тугади. Ностальгия ёрдам бермайди. Бу ҳақиқат!" - таъкидлади сиёсатчи.

Унинг таъкидлашича, Қўшма Штатлар ҳозир ўз манфаатларини жуда қатъият билан ҳимоя қилмоқда.

"Шунинг учун биз энди ўзимизникини ҳам ҳимоя қилишимиз керак", деб таъкидлади Мерц.

Бундан ташқари, у Европа Қўшма Штатлар билан муносабатлардаги туб ўзгаришларга, шунингдек, "Россия томонидан кучайиб бораётган таҳдидларга" тайёрланиши керак, деган фикрни билдирди.